Presidenti i Kosovës, Hashim Thaçi, ka përkujtuar Masakrën e Tivarit të vitit 1945, duke thënë se kjo masakër hyn në radhën e krimeve më të rënda kundër shqiptarëve
Në përvjetorin e 75 të saj, Thaçi përkujtoi këtë masakër duke thënë se ky krim ishte për qëllim të heshtej në politika jugosllave dhe serbe në kontekstin e fitores mbi fashizmin, pas përfundimit të Luftës së Dytë Botërore.
I pari i shtetit tutje tha se pavarësisht ngufatjes së gjatë, shqiptarët kurrë nuk e harruan këtë krim monstruoz, për të cilin askush nga ideatorët dhe ekzekutuesit nuk është vënë para drejtësisë.
Postimi i plotë i presidentit Thaçi, pa ndërhyrje:
“Pas shuarjes së kryengritjes të komandantit Shaban Polluzha, Masakra e Tivarit është ndër krimet më të rënda ndaj shqiptarëve në vitin 1945. Të çarmatosur, të uritur, të etur, mijëra shqiptarë u nisën drejt vdekjes së planifikuar nga kreu ushtarak dhe politik jugosllav. Ky krim u përpoq të minimizohet dhe të heshtet në politika jugosllave dhe serbe në kontekstin e fitores mbi fashizmin, pas përfundimit të Luftës së Dytë Botërore.
Por, pavarësisht ngufatjes së gjatë, shqiptarët kurrë nuk e harru an këtë krim monstruoz, për të cilin askush nga ideatorët dhe ekzekutuesit nuk është vënë para drejtësisë.
Masakra e Tivarit hyn në radhën e krimeve kundër njerëzimit, e kryer sot e 75 vjet më parë”.