Serbia të përgjigjet për 1640 persona të zhdukur

Gazeta Express

25/10/2020 23:26

Kosovës ende i mungojnë edhe 1640 persona të zhdukur gjatë luftës. Zbardhja e fatit të tyre ka qenë tema e parë në rinisjen e dialogut të nivelit të lartë mes Kosovës dhe Serbisë në korrikun e këtij viti por edhe në nivel ekspertësh.

Madje identifikimi i mbetjeve të personave e të zhdukur ishte një nga pikat e nënshkruara në dokumentin e zotimeve në Shtëpinë e Bardhë mes kryeministrit Avdullah Hoti e presidentit serb Aleksandar Vuçiq.

Por pavarësisht se në praninë e presidentit Trump, Vuçiq nënshkroi këtë zotim një zyrtar i lartë i shtetit serb e shkeli atë pak kohë pas.

Ishte ish-ministri i jashtëm serb Ivica Daçiq, tash kryetar i Kuvendit të Serbisë që u shfaq i nervozuar me serbët që tregojnë se ku janë varrosur shqiptarët në Serbi.

Kjo deklaratë nxiti reagime të ashpra në Kosovë, sidomos te familjarëve të të zhdukurve.

Kosovës ende i mungojnë edhe 1640 persona të zhdukur gjatë luftës

Follow RTK: Facebook: http://smarturl.it/RTKfb WEB: http://smarturl.it/RTKweb Powered by OnAir.FM