Candreva thotë se nuk është koha për të folur për Scudetto.
Anësori i Interit beson se tani për tani, titulli më i mirë do të ishte triumfi kundër koronavirusit, që ka infektuar afër 100 mijë persona në Itali dhe ka mbytur mbi 10 mijë.
UEFA është duke biseduar vazhdimisht me ligat për të përfunduar sezonin, dhe nuk përjashtohet mundësia që të luhet edhe në korrik.
“Do të ishte padyshim një eksperiencë e re (nëse do ta përfundonim edicionin në qershor ose korrik)”, tha Candreva.
“Mua nuk më duket fer të flasim tani për Scudetton. Në këtë moment, Scudetto e vërtetë për të gjithë, do të ishte triumfi kundër virusit”. /Gazeta Express/