Roma bën hap fals në garën për kreun e tabelës, mposhtet në udhëtim

Futboll

Gazeta Express

07/12/2025 17:05

Roma pësoi humbjen e dytë radhazi në Serie A, pasi Gianluca Gaetano shënoi në minutat e fundit pas ndëshkimit me të kuq të Zeki Çelik, duke i dhënë Cagliarit fitoren e tyre të parë që nga 19 shtatori.

“Giallorossët” ranë nga vendi i parë pas humbjes ndaj Napolit, duke konfirmuar një ecuri negative në ndeshjet e mëdha, dhe humbën Wesleyn së bashku me Artem Dovbyk dhe Angelino, ndërsa Paulo Dybala dhe Evan Ferguson nuk ishin 100 për qind.

“Sardenjat” nuk kishin fituar në Serie A prej nëntë javësh, por e detyruan Napolin në një seri penalltiesh vendimtare në Kupën e Italisë pas barazimit 1-1 në mesjavë.

Mattia Felici shqeu ligamentin e kryqëzuar në atë ndeshje, duke iu bashkuar Yerry Minas, Luca Mazzitellit, Ze Pedros dhe Andrea Belottit në tribunë.

Roma ishte më e mire fillim të ndeshjes, por që ndeshja ndryshoi kur Folorunsho fitoi një top në mesfushë dhe u hodh përpara, duke u rrëzuar pas një ndërhyrjeje të gabuar të Zeki Çelik.

Arbitri fillimisht akordoi penallti, por pas rishikimit në VAR, u pa se kontakti ishte jashtë zonës, kështu që Çelik u përjashtua me karton të kuq për mohimin e një rasti të qartë shënimi.

Cagliari më në fund zhbllokoi rezultatin kur një këndore e Sebastiano Espositos gjeti Gianluca Gaetanon në shtyllën e dytë.

Ai e ndaloi topin me gjoks dhe goditi me gjysmë vole nga një kënd shumë i ngushtë, duke kaluar mes shumë këmbësh dhe duke u ndalur në cepin e poshtëm të shtyllës së largët.

Roma tashmë mbetet në kuotën e 27 pikëve, tri më pak se Interi në vendin e parë. Roma është e katërta në tabelë./GazetaExpress/