Riza Durmishi është larguar nga Lazio, shkruan Gazeta Express.
Futbollisti kosovar është huazuar tek ekipi francez, OGC Nice.
Lajmin e ka bërë të ditur klubi i Ligue 1, i cili do ta ketë në dispozicion mbrojtësin e majtë nga janari.
25 vjeçari i ka kaluar me sukses vizitat mjekësore me “Le Gym” dhe do të jetë i gatshëm për ekipin e ri nga 1 janari 2020.
Përfaqësuesi danez arrin në Nice nga Lazio në formë huazimi për gjashtë muaj, por klubi francez e ka mundësinë e blerjes përfundimtare të tij pas përfundimit të sezonit.
Durmishi nuk arriti të linte gjurmë në kryeqytetin italian, prandaj do të transferohet në Nice për të luajtur në vazhdimësi. /Gazeta Express/