Rikthehen reshjet e borës në Korçë, fshatrat turistikë të Dardhës dhe të Voskopojës të zbardhura nga bora

Shqiperi

Gazeta Express

23/01/2021 17:43

Janë rikthyer reshjet e borës në juglindje të vendit, më konkretisht në fshatrat turistike të Dardhës dhe Voskopojës.

Ndërkohë sipas zyrtarëve të autoritetit lokal të rrugëve nacionale, reshjet e borës në fshatin turistik të Dardhës janë intensive ndërsa trashësia ka shkuar deri më 6 cm.

Problem mbetet kilometri i 8 deri në kilometrin 14, ndërsa në terren ndodhen 2 borëpastruese.

Nga sektori i qarkullimit rrugor u bëhet thirrje të gjithë drejtuesve të mjeteve, te cilët do t’i drejtohen fshatrave turistike, të pajisen me gomat e dimrit si dhe me zinxhirë.

Ndërsa përsa i përket qytetit prej mëngjesit të sotëm ka pasur dhe vijon të ketë reshje shiu.