Rama zbardh takimin me Erdogan: Folëm për Komunitetin e Ri Politik Europian

Shqiperi

Gazeta Express

09/12/2022 12:05

Kryeministri Edi Rama ka treguar detaje nga takimi me presidenti turk Erdogan gjatë TRT World Forum, një platformë që mbledh çdo vit në Stamboll politikëbërës e vendimmarrës të lartë.

“Me Presidentin Erdogan, në mjediset e TRT World Forum, për të diskutuar mbi ecurinë e marrëdhënieve bilaterale, situatën në rajon, Komunitetin e Ri Politik Europian, si edhe luftën në Ukrainë”, shkruan Rama.

Përmes një postimi të mëparshëm Rama shkruante se ky forum është një platformë e njohur për cilësinë e debatave mbi axhendat globale dhe rajonale.

“Në TRT World Forum, një platformë e njohur për cilësinë e debateve mbi axhendat globale dhe rajonale, e cila mbledh çdo vit në Stamboll politikëbërës e vendimmarrës të lartë”, shkruan Kryeministri Rama.

/Gazeta Express