PSG pranë transferimit të Ferran Torresit

Futboll

Gazeta Express

02/08/2026 13:41

Paris Saint-Germain është shumë pranë arritjes së një marrëveshjeje për transferimin e sulmuesit të Barcelonës, Ferran Torres.

Sipas raportimeve, bisedimet mes palëve po përparojnë me ritëm të mirë dhe kampioni i Francës është optimist se do ta finalizojë transferimin në ditët në vijim.

Po ashtu, Ferran Torres thuhet se ka arritur tashmë marrëveshje për kushtet personale me PSG-në, duke pranuar një kontratë që do ta mbajë në Paris deri në vitin 2031.

Nëse transferimi realizohet, Barcelona do të humbiste një nga lojtarët e saj ofensivë, ndërsa PSG do të siguronte një përforcim të rëndësishëm për repartin e sulmit.