Prishtina edhe sot po përballet me ajër të ndotur

Gazeta Express

08/12/2019 17:22

Prishtina ditëve të fundit është duke u përballur me mjegull dhe me ajër të ndotur.

Ajri i ndotur vazhdon të jetë shqetësues për qytetarët e Prishtinës.

Sikur të mos mjaftonte vetëm kjo, ditëve të fundit, Prishtina është përballur edhe me mjegull shumë të dendur.

Në bazë të matjes së fundit që është bërë nga Ambasada amerikane në Kosovë për cilësinë e ajrit, në ora 16:00 shkalla e ndotjes ka arritur në 151, shkruan lajmi.net.

Kjo shkallë e ndotjes llogaritet të jetë e pashëndetshme dhe preferohet që të moshuarit, fëmijët dhe të gjithë ata që kanë probleme me sëmundjet e frymëmarrjes, si astma, të mos ekspozohen në ambiente të hapura.