Përkundër humbjes, Joshua fitoi rreth trefish më shumë para se Usyk

Sporte tjera

Gazeta Express

26/09/2021 10:33

Boksieri ukrainas, Oleksandr Usyk mundi Anthony Joshuan mbrëmë në Londër për t’u shpallur kampion bote.

Edhe pse fitues në duel nuk ishte Joshua, ai fitoi më shumë para, transmeton Gazeta Express.

Sipas “Sporting News”, Joshua ka arritur të fitojë rreth 15 milionë funta, çka është rreth trefish më shumë sesa ajo që ka fituar mbrëmë Usyk, përkundër fitores.

Në anën tjetër, Usyk besohet të ketë fituar rreth 5 milionë funta. Edhe pse shumë më e vogël se ajo e Joshuas, për ukrainasin ky është meçi ku ka fituar më së shumti para.

/Gazeta Express/