Për herë të parë në nëntë vite, Milani me një rekord tejet negativ

Futboll

Gazeta Express

11/05/2026 18:41

Milani ka grumbulluar vetëm 25 pikë në pjesën e dytë të sezonit, shifra më e ulët në nëntë vitet e fundit.

Skuadra e drejtuar nga Massimiliano Allegri po lufton për një vend në Ligën e Kampionëve me vetëm dy ndeshje të mbetura, pas një forme shumë të dobët në gjysmën e dytë të kampionatit.

Sipas “TMW”, “Rossonerët” kanë fituar vetëm 25 pikë në “Girone di Ritorno”, numri më i ulët në nëntë sezonet e fundit.

Milani ka humbur tri nga pesë ndeshjet e fundit në kampionat dhe tani ndodhet në kuotën e 67 pikëve, i barabartë me Romën në vendin e katërt.

Nëse Milani dhe Roma e mbyllin sezonin me pikë të barabarta, skuadra e Allegrit do të renditet më lart falë bilancit më të mirë në përballjet direkte ndaj ekipit të Gian Piero Gasperinit, me një fitore dhe një barazim këtë sezon.

Tensioni është rritur në “San Siro”, ku tifozët protestuan kundër drejtorit ekzekutiv të klubit, Giorgio Furlani, para fillimit të ndeshjes së Serie A kundër Atalantas të dielën.

Ndeshjet e mbetura të Milanit janë ndaj Genoas në transfertë dhe kundër Cagliarit në shtëpi, ndërsa Roma do të përballet me rivalin lokal Lazion në raundin e ardhshëm dhe me Hellas Veronan, që tashmë ka rënë nga liga, në ndeshjen e fundit të sezonit./GazetaExpress/

Rekordi i Milanit në “Girone di Ritorno” deri në javën e 36-të:

2025/26 – Massimiliano Allegri: 25 pikë

2024/25 – Sérgio Conceição: 30 pikë

2023/24 – Stefano Pioli: 35 pikë

2022/23 – Stefano Pioli: 26 pikë

2021/22 – Stefano Pioli: 38 pikë

2020/21 – Stefano Pioli: 32 pikë

2019/20 – Stefano Pioli: 35 pikë

2018/19 – Gennaro Gattuso: 31 pikë

2017/18 – Gennaro Gattuso: 35 pikë