Për herë të parë, Arian Çani fton vajzën në studio

Gazeta Express

25/01/2020 12:28

Moderatori i njohur Arian Çani i ka surprizuar të gjithë teleshikuesit mbrëmjen e djeshme në emisionin e tij ‘Zonë e Lirë’.

Për herë të parë, ai ka ftuar në emision vajzën e tij të vogël Joanën, si pjesë e grupit të aktorëve të shfaqjes për fëmijë ‘Torta e ditëlindjes’, që do të vihet në skenën e ArTurbina.

Në fillim, ata u munduan ta mbanin të fshehtë marrëdhënien e tyre, derisa në një moment, Çani e ka pyetur të bijën për mbiemrin.

Kështu ata kanë zbuluar të vërtetën, në të njëjtën kohë moderatori nuk ka mundur të fshehë as emocionin që ndjente.

Dialogu në studio:

Arian Çani: Ti Joana ke mbiemrin tim më duket? Po çne që ke mbiemrin tim, rastësi? Çfarë jemi në bashkë? Do e themi apo jo? Hajde mos ki emocione se aktorët nuk kanë emocione.

Joana Çani: Familje…

Arian Çani: Për herë të parë ftoj vajzën time si aktore, kam një emocion të paparë… më raftë pika.