Pavijoni i Kosovës në Bienalen e Venecias hapet me 18 prill

Arte

Gazeta Express

11/04/2024 14:31

Sivjet përfaqësojnë Pavijonin e Republikës së Kosovës instalacionet skulpturore “Heshtjet Kumbuese të Metalit dhe Lëkurës” të artistës Doruntina Kastrati dhe kuratorës Erëmirë Krasniqi.

Hapja e Pavijonit të Kosovës për mediat mbahet më 18 prill 2024, ora 14:00, kurse inagurimi i Pavijonit të Kosovës në edicionin e 60-të të Ekspozitës Ndërkombëtare të Artit në Bienalen e Venecias mbahet të enjten me datë 18 prill nga ora 15:00 në Museo Storico Navale della Marina Militare (në mes të hapësirave ekspozuese të Arsenales dhe Giardinit).

“Heshtjet Kumbuese të Metalit dhe Lëkurës” ka për komisionere Hana Halilajn dhe organizohet nga Ministria e Kulturës, Rinisë dhe Sportit e Republikës së Kosovës.