Pasi ‘paralajmëroi’ politikanët shqiptarë për sabotimin e reformës në Drejtësi, ambasadorja Kim i shkon Bashës në zyrë

Gazeta Express

26/05/2020 13:36

Ambasadorja amerikane Yuri Kim do të zhvillojë një takim me kryetarin e Partisë Demokratike, Lulzim Basha.

Takimi pritet të zhvillohet sot, rreth orës 14:30, në selinë e PD-së.

Pak më herët ambasada amerikane bëri një deklaratë të fortë në lidhje me debatet e fundit në vend.

“Reforma është e dhimbshme, e ngadaltë dhe e papërsosur por është e nevojshme”, thuhet në deklaratën e ambasadës, por se nuk duhet humbur përqëndrimi.

“Ne nuk duhet të humbasim përqëndrimin, ne nuk duhet të çorientohemi – synimi është i qartë, populli shqiptar foli dhe reforma në drejtësi duhet të ecë përpara, hap pas hapi”, thuhet në deklaratë.