Pamje apokaliptike: Anija me 4.000 tonë mallra “lufton” mes dallgëve mbi 6 metra

Gazeta Express

24/10/2020 11:52

Tre anije shpëtimi luftuan me dallgët gjigande 6 metra për të parandaluar që një anije e ngarkuar me 4,000 tonë mallra të përplasej me shkëmbinjtë gjatë Stuhisë Barbara.

Sipas Daily Mail, ekipet e anijeve shpëtuese parandaluan që ajo të shkonte drejt bregut në një operacion shpëtimi 12 orë.

Ekipet vullnetare të anijeve të shpëtimit në Dunmore East, Kilmore Quay dhe Rosslare Harbour shkuan në ndihmë kur transportuesi i mallrave, i cili mbante qymyr nga Gjermania veriore, kërkoi ndihmë urgjente.

Pamjet erdhën ndërsa Stuhia Barbara bëri kërdinë në të gjithë Mbretërinë e Bashkuar me 65 milje në orë pasi goditi Spanjën dhe Portugalinë këtë javë.