Avokati, Dastid Pallaska, ka thënë në emisionin Pressing në T7 se kryeministri i Kosovës, Albin Kurti, është treguar qesharak sot në konferencën për shtyp ku zbuloi një marrëveshje të lidhur nga Hashim Thaçi, në kohën kur ishte kryeministër, me NATO-n.
Sipas marrëveshjes, FSK nuk mund të futet në veri të Kosovës pa marrë leje paraprakisht nga KFOR’i.
“Zyra ligjore e kryeministrit janë treguar diletantë të profesionit”, ka thënë Pallaska.
Sipas Pallaskës, kjo marrëveshje nuk peshë juridike, pasi për sovranitetin e vendit kujdeset kushtetuta e vendit.
“Nuk ka mundësi të bartet sovraniteti pa ratifikim në Kuvend”, thotë ai.
Sipas Pallaskës, marrëveshja është dashur të kalohet në Kuvendin e Kosovës që të ketë efekt juridik.
Kurti sot në konferencë për medie ka bërë të ditur se dokumenti i ka ardhur nga një zyrtar i besuar i NATO’s. /Express/