Pagoi 20 mijë euro për të vrarë ish-gruan, krimi parandalohet në çastet e fundit në Itali

Lajme

Gazeta Express

29/07/2026 21:09

Një vrasje me pagesë është ndaluar nga policia në çastet e fundit, atëherë kur dukej se për autorët çdo gjë ishte gati.

Ngjarja e rëndë, por me fund të mirë, u shënua në Caserta në Italisë, ku sipas mediave vendase një burrë kishte paguar 20 mijë euro për të vrarë ish-bashkëshorten.

Ai kishte thurur planin me detaje, duke i mundësuar vrasësit me pagesë çdo informacion për ish-gruan, madje edhe çelësat e shtëpisë së saj.

Fillimisht gruaja do të rrëmbehej dhe më pas do të ekzekutohej në një vend të izoluar.

Për ngjarjen, në pranga kanë rënë 5 persona, ndërsa ende nuk dihet arsyeja se përse porositësi i krimit donte ta vriste ish-gruan./Top Channel