Osmani kujton 25 vjetorin e masakrës në lagjen “Dardania” në Pejë: Synim i regjimit serb ishte shfarosja e shqiptarëve

Lajme

Gazeta Express

27/03/2024 16:38

Presidentja Vjosa Osmani sot ka kujtuar 25 vjetorin e masakrës në lagjen “Dardania” në Pejë.

“Brutaliteti i regjimit gjenocidal serb përgjatë muajit mars të vitit 1999 përfshiu pjesë të ndryshme të Kosovës. Më 27 mars të atij viti, në lagjen “Dardania”, në Pejë, ekzekutuan barbarisht 40 burra, gra e fëmijë.

Osmani thotë se shfarosja e popullit shqiptar të Kosovës dhe spastrimi etnik ishin synimet e regjimit kriminal serb në të gjitha vendet ku u kryen masakrat në tërë territorin e Kosovës.

“Në këtë përvjetor, bashkëndjejmë me familjet e tyre dhe riafirmojmë angazhimin tonë për drejtësinë dhe të vërtetën. Qoftë i përhershëm kujtimi për 40 të vrarët në lagjen “Dardania””.