Një person bie nga shtylla elektrike në Klinë, dërgohet në spital

Lajme

Gazeta Express

22/06/2026 17:50

Një person ka pësuar lëndime trupore, pasi dyshohet se ka rënë nga një shtyllë elektrike në Klinë.

Zëdhënësi i Policisë Rajonale në Pejë, Driton Rugova, tha se fillimisht janë njoftuar nga Qendra e Mjekësisë Familjare në Klinë për një person të lënduar.

“Sot rreth orës 13:40, Policia është njoftuar nga QKMF-Klinë se një person është i lënduar. Policia menjëherë ka dalë në vendin e ngjarjes”, tha ai.

Rugova tha se në vendin e ngjarjes është kuptuar se personi i lënduar ka rënë nga një shtyllë elektrike.

“Atje është kuptuar se personi i lënduar ka rënë nga shtylla elektrike”, ka thënë ai.

Rugova bëri të ditur se i lënduari është dërguar për trajtim mjekësor në Spitalin Rajonal të Pejës.