Një burrë spërkat një substancë të panjohur në një qendër tregtare në Tokio, rreth 20 persona përfundojnë në spital

Lajme

Gazeta Express

25/05/2026 12:14

Rreth 20 persona përfunduan në spital në një kompleks luksoz tregtar në qendër të Tokios të hënën, pasi një burrë spërkati një substancë brenda ndërtesës, thanë zyrtarët në Japoni, citon The Guardian.

Një zëdhënës i policisë së Tokios tha se një burrë spërkati një substancë në katin përdhes, ndërsa një zyrtar i departamentit lokal të zjarrfikësve tha se “rreth 20 persona u plagosën” pas një raportimi për një “erë” të rëndë.

Rruga përpara qendrës tregtare u bllokua pas incidentit dhe automjete zjarrfikëse ishin rreshtuar përgjatë rrugës.

Krimi është relativisht i rrallë në Japoni, e cila ka një shkallë të ulët vrasjesh dhe disa nga ligjet më të ashpra për armët në botë.

Megjithatë, ka sulme të herëpashershme me thikë dhe madje edhe të shtëna me armë, përfshirë vrasjen e ish-kryeministrit Shinzo Abe në vitin 2022.

Në dhjetor të vitit të kaluar, 14 persona u plagosën në një sulm me thikë në një fabrikë në Japoninë qendrore, gjatë të cilit u spërkat edhe një lëng i paspecifikuar.

Japonia mbetet e tronditur nga kujtimi i një sulmi të madh në metro në vitin 1995, kur anëtarët e kultit Aum Shinrikyo lëshuan gaz sarin në trena, duke vrarë 14 persona dhe duke plagosur më shumë se 5,800 të tjerë.