Një burrë dhe një grua gjenden të vdekur në Durrës, dyshohet për vetëvrasje

Lajme

Gazeta Express

25/05/2026 14:15

Vdekje tragjike dhe të njëpasnjëshme patën një burrë dhe një grua sot në Durrës, në lagjet 17 dhe 18.

Në zonën e ish-Kënetës, një 68- vjeçar u gjet në banesë nga familjarët, pak pasi kishte dhënë frymën e fundit.

Policia që shkoi në vendngjarje tha se heton vetëvrasje përmes varjes në litar.

Ndërkaq në lagjen 18 të qytetit bregdetar u shënua një tjetër vetëvrasje.

Një grua 46 vjeçare dyshohet se është hedhur nga kati i pestë i një pallati që shihni në këtë pamje pak pas tragjedisë.

Të dyja ngjarjet po hetohen si vetëvrasje, por shkaqet e tyre mbeten në kuadrin e hetimeve të mëtejshme.