New Basket fiton ndaj Vushtrrisë dhe përballet me Bora-n në finale - Gazeta Express
string(66) "new-basket-fiton-ndaj-vushtrrise-dhe-perballet-me-bora-n-ne-finale"

New Basket fiton ndaj Vushtrrisë dhe përballet me Bora-n në finale

Basketboll

Gazeta Express

14/02/2024 16:47

New Basket është finalisti i dytë në Kupën e Ligës së Parë. Prizrenasit në gjysmëfinale mundën Vushtrrinë me rezultat 79:86 (21:22, 19:29, 22:14, 17:21).

Çereku i parë ishte tërësisht i barabartë, duke përfunduar 21:22, kurse në periudhën e dytë, prizrenasit ishin më të mirë, për të shkuar në pushim me rezultat 40:51.

Lexo Edhe:

Megjithatë, vushtrriasit nuk dorëzohen dhe dalëngadalë afrohen në rezultat, ku shifrat pas 30 minutash ishin 62:65. Lojë interesante u zhvillua në dhjetë minutat e fundit, por prizrenasit ruajtën epërsinë dhe triumfuan në fund 79:86.

Më i miri te Vushtrria ishte Albion Imeri me 30 pikë e dhjetë kërcime, kurse te New Basket u dalluan Isaac Hill me 23 pikë e pesë kërcime dhe Ergin Grosha me 21 pikë e nëntë kërcime.

New Basket me Bora-n në finale, që zhvillohet të premten nga ora 14:00.