Ambasadori i SHBA-së në Prishtinë, Jeff Hovenier, ka thënë se ndjehet thellësisht i lumtur për të nderuar tre individë të cilët kontribuuan në mënyrë të jashtëzakonshme në ndërhyrjen e drejtuar nga NATO që i ka dhënë fund spastrimit etnik në Kosovë.
Hovenier ka thënë se në Ambasadën e SHBA-së në Prishtinë, kanë emëruar dy salla në nder të dy ushtarakëve amerikanë, Reichert dhe Gibs dhe një tjetër në emër të ish-Sekretares së Shtetit, Madeleine Albright.
Në këtë ceremoni ka marrë pjesë edhe presidentja Vjosa Osmani, ish-presidentët Sejdiu e Jahjaga dhe figura të tjera të jetës politike në Kosovë.
“Stafi dhe vizitorët tanë do të reflektojnë mbi trashëgiminë dhe kontributet e këtyre individëve sa herë që mblidhemi në këto dhoma. Ne ishim veçanërisht mirënjohës që në ceremoninë e sotme na janë bashkuar presidentja Osmani si dhe familjet Reichert dhe Gibbs. “, ka shkruar Hovenier./Express/