NBA: Nuggets fitojnë ndaj Clippers, gjithçka vendoset në ndeshjen e shtatë

Gazeta Express

14/09/2020 15:48

Denver Nuggets e ka mposhtur Los Angeles Clippers 111-98 në ndeshjen e gjashtë gjysmëfinale në Konferencën Perëndimore.

Do të përcaktohet pas ndeshjes së 7-të, rivali i Los Angeles Lakers në finalen e Konferencës së Perëndimit në NBA.

Denver Nuggets ja doli të barazonte në 3-3 serinë ndaj Los Angeles Clippers pasi fitoi në ndeshjen e 6-të me rezultatin 111-98.

Një sukses fantastik me përmbysje ai i skuadrës nga Colorado me Deverin që në fund të pjesës së parë ishte në disavantazhin e 16 pikëve, por për meritë edhe të Nikola Jokic që ishte thjeshtë fantastik me 34 pikë 14 rebound dhe 7 asiste.