Murati: 300 milionë euro në formë të marrëveshjeve ndërkombëtare tash e disa muaj po presin ratifikimin në Kuvend

Lajme

Gazeta Express

25/04/2024 13:18

Ministri i Financave, Hekuran Murati tha se aktualisht janë 300 milionë euro shumë totale në formë të marrëveshjeve ndërkombëtare që sipas tij, me muaj po presin ratifikimin në Kuvend.

Murati madje tha se së shpejti do të dërgojnë në ratifikim edhe marrëveshjen me Bankën Botërore në vlerë 90 milionë euro.

Kështu sipas tij, do të bëhen gjithsej 390 milionë euro marrëveshje ndërkombëtare të cilat presin votën e deputetëve të Kuvendit.

“Janë 300 milionë euro shumë totale në formë të marrëveshjeve ndërkombëtare që tash e disa muaj po presin ratifikimin në Kuvend. Së shpejti do të dërgojmë për ratifikim edhe marrëveshjen me Bankën Botërore në vlerë 90 milionë euro. Pra do të bëhen 390 milionë euro marrëveshje ndërkombëtare të cilat presin votën e deputetëve të Kuvendit. Përveç marrëveshjeve financiare, ka edhe të tjera si Konventa për Importin e Përkohshëm, marrëveshje për sigurime sociale, apo të tilla si Evropa Digjitale, marrëveshje këto të cilat lehtësojnë të bërit biznes e përmirësojnë jetënn e qytetarëve”, tha Murati