Monaco fiton minimalisht ndaj Galatasarayt, vendos goli i Balogunit

Futboll

Gazeta Express

09/12/2025 23:00

Ka përfunduar ndeshja në “Stade Louis II”, me Monacon që ka fituar ndaj kampionit të Turqisë.

Monaco fitoi ngushtë ndaj Galatasaray si vendas, shkruan “Gazeta Express”.

Francezët fituan 1-0, me golin e shënuar nga Folarin Balogun.

Sulmuesi amerikan shënoi në minutën e 68-të të ndeshjes.

Me këtë fitore, Monaco shkon në kuotën e nëntë pikëve nga gjashtë ndeshje, teksa edhe Galatasaray i ka po aq pikë.

Ndeshjen e radhës, Monaco luan ndaj Real Madridit në “Santiago Bernabeu”, ndërsa turqit presin Atletico Madridin./GazetaExpress/