Mirdita vatra e re e koronavirusit në Shqipëri, burrë e grua të infektuar janë punonjës të spitalit

Gazeta Express

01/04/2020 13:29

Ditën e sotme numri i personave të prekur nga koronavirusi në Shqipëri shkoi në 259.

Vatra u zgjerua edhe në qytetin e Mirditës.

Dy të prekurit nga COVID-19 në Mirditë janë punonjës të spitalit.

Të prekurit janë burrë dhe grua, punonjës të spitalit të Mirditës.

Fillimisht u konstatua me koronavirus një 55-vjecar që është punonjës i administratës dhe më pas bashkëshortja e tij, e cila punon si infermiere.

Autoritetet kanë bërë testimin e personave të kontaktit, duke iu kërkuar që të qëndrojnë në banesë për 14 ditë.