Mësohet se në cilat grupe do të jenë SHBA-ja, Kanadaja e Meksika

Futboll

Gazeta Express

05/12/2025 19:06

Nga ora 18:00 ka nisur hedhja e shortit të Kupës së Botës për vitin 2026.

Ky event i madh do të mbahet në SHBA, Kanada e Meksikë.

Tre liderët e këtyre shteteve i ‘vendosën’ fatin kombëtareve të tyre.

Presidenti i SHBA-së, Donald Trump vendosi emrin e kombëtares amerikane në Grupin D.

Meksika do të jetë në Grupin A, pas hedhjes së shortit nga Presidentja e këtij shteti.

Ndërkohë, Kryeministri i Kanadasë e vendosi kombëtaren e tij në Grupin B.

KËTO JANË VAZOT:

Vazo e parë: Spanja, Argjentina, Franca, Anglia, Brazili, Portugalia, Holanda, Belgjika, Gjermania

Vazo e dytë: Kroacia, Maroku, Kolumbia, Uruguai, Zvicra, Japonia, Senegali, Irani, Koreja e Jugut, Ekuadori, Austria, Australia

Vazo e tretë: Norvegjia, Panamaja, Egjipt, Algjeria, Skocia, Paraguai, Tunizia, Bregu i Fildishtë, Uzbekistani, Katari, Arabia Saudite, Afrika e Jugut

Vazo e katërt: Jordania, Kepi i Gjelbër, Gana, Cuaraçao, Haiti, Zelanda e Re dhe gjashtë fituesit e plejofit (këtu janë edhe Shqipëria e Kosova)./GazetaExpress/