Mancini merr drejtimin e klubit nga Katari

Futboll

Gazeta Express

13/11/2025 15:54

Al-Sadd konfirmoi të enjten nënshkrimin me Roberto Mancini si trajnerin e ri të skuadrës, me teknikun italian që ka rënë dakord për një kontratë për dy vite e gjysmë.

Mancini rikthehet në veprim. Pas drejtimit të kombëtares së Arabisë Saudite dhe një periudhe si këshilltar te Sampdoria, trajneri italian tashmë ka marrë drejtimin e klubit Al-Sadd në Katar.

Ai zëvendëson Sergio Alegre, dhe objektivi i tij kryesor do të jetë të ngushtojë diferencën me vendin e parë dhe të udhëheqë skuadrën drejt mbrojtjes së titullit kampion.

I respektuar gjerësisht në futbollin evropian dhe botëror, Roberto Mancini ka fituar 14 trofe gjatë karrierës së tij, përfshirë tre tituj të Serie A, një titull të Premier League dhe një Kampionat Evropian.