Ledri Vula publikon albumin 10/10

Gazeta Express

13/03/2020 2:36

Ledri Vula ka befasuar fansat e tij, duke vendosur t’i ‘qerasë’ ata në këto ditë të vështira.

Reperi Ledri Vula ka publikuar para kohe albumin e tij me titull “10/10”.

Vula ka treguar vetëm pak orë përpara se ai do nxjerrë albumin i cili ishte planifikuar të dalë më datën 10 prill, mirëpo ai ia ka ofruar fansave në këto ditë kur po obligohen të qëndrojnë në shtëpi, përcjell Gazeta Express.

⏰ 00:00
Ky album ka pas me dal me daten 10 prill. Kom vendos me publiku sonte.
Ne kohen kur krejt jemi te obligum te qendrojm ne shpi, te kujdesemi per veten dhe te afermit, albumi 10/10 , i cili ka qendru me mu shum kohe, menoj qe tash e tutje duhet te qendroj me ju.

— LedriVula (@ledrizlla) March 12, 2020

“10/10” tashmë është në dispozicion për fansat, në platformat muzikore Spotify e Deezer, me gjithsej 15 këngë të reja.

Albumi ka edhe këngë bashkëpunime të reperi me kolegë të tij dhe bashkëpunëtorë të afërt si Lyrical Son, Mc Kresha, Singullar, Lumi B, Vig Poppa e Dj Flow, shkruan Gazeta Express.

Dy këngët në album, “Piano Rap” dhe “Prej inati”, dëgjuesit kanë pasur rastin t’i dëgjojnë më parë, të cilave reperi i ka realizuar edhe videoklipe.

Ndërkohë, ai ka kohë që po e paralajmëron këtë projekt të madh në të cilin po punon tash e sa kohë, duke sjellë një album pas një kohe të gjatë e duke ndjekur trendin që PINT e kanë nisur.

Në këngët e albumit, Ledri i qëndron besnik stilit të tij, ndërsa është përkujdesur për çdo detaj në tekstet dhe sidomos meloditë dhe muzikën të cilat marrin shumë vëmendjen.

Ai nuk e lë aspak anash repturën, si në këngët solo ashtu edhe në bashkëpunimet me reperët e tjerë, të cilët janë vetëm artistë të këtij zhanri./Gazeta Express/

View this post on Instagram

⏰ 00:00 Ky album ka pas me dal me daten 10 prill. Kom vendos me publiku sonte. Ne kohen kur krejt jemi te obligum te qendrojm ne shpi, te kujdesemi per veten dhe te afermit, albumi 10/10 , i cili ka qendru me mu shum kohe, menoj qe tash e tutje duhet te qendroj me ju. Vjen koha qe na shume shpejt mu kthy ne jetet tona normale , vjen koha qe na me u pa e me u perqafu shume shpejt si gjith. 10/10 Out 00:00 @spotify @applemusic and all major platforms.

A post shared by Ledri Vula (@ledrivula) on Mar 12, 2020 at 12:04pm PDT