Latifi: Më shumë po informohemi për anëtarësimin në KiE nga Serbia se nga Qeveria e Kosovës

Lajme

Gazeta Express

30/04/2024 21:18

Profesori Blerim Latifi në emisionin “Pressing” të T7, ka thënë se rreth anëtarësimit të Kosovës në KiE më shumë informata po jep Qeveria e Serbisë.

Ai thqa se nuk është e qartë se cilat janë kapacitetet dhe cili është niveli i angazhimit të Kosovës në luftën diplomatike, që sipas tij po zhvillohet mes palëve që janë kundër dhe atyre që janë pro anëtarësimit.

“Është shqetësuese, është një far errësire informative. Ne po informohemi më shumë nga Qeveria e Serbisë. Dmth dje doli Vuçiqi tha Kosova luhahet mes 32 dhe 29 vota. Vucici na jep informatë se si është gjendja, si i kemi puntë atje. Kjo tregon që atje është duke u zhvilluar një luftë e madhe diplomatike mes palëve që janë pro dhe atyre që kanë dilema ose janë kundër anëtarësimit të Kosovës në KiE. Ne nuk e kemi fare të qartë se cilat janë kapacitetet dhe cili është niveli i angazhimit të Kosovës në këtë luftë diplomatike”, tha Latifi.