Kurti pas takimit me Macron: Nuk ka zotim se do të ketë liberalizim të vizave për Kosovën

Kryeministri i vendit Albin Kurti ka folur pas takimit me presidentin francez Emmanuel Macron në pallatin Elisee të Francës.

Mes tjerash Kurti tha se në këtë takim u trajtua edhe tema e liberalizimit të vizave për qytetarët e Kosovës.

Ai tha se mesazhi është marrë, por se nuk kishte zotim se do të ketë liberalizim të vizave për Kosovën.

“Sigurisht që qytetarët e Kosovës janë të interesuar për liberalizimin e vizave dhe është e padrejtë që Kosova pas polotësimit të kritereve ende nuk ka viza. Në vizitën tonë kjo çështje është trajtuar. Jemi të sigurt që e kanë marrë mesazhin tonë, por nuk ka zotim që do të ketë liberalizim të vizave”, ka thënë Kurti në një lidhje direkte në rtk.

Zyra e Kryeministrit përmes një komunikate adresuar mediave ka konfirmuar se në këtë takim  u diskutua edhe për rëndësinë e bashkëpunimit rajonal dhe të ardhmen evropiane, si dhe sfidën e përbashkët në ballafaqimin me pandeminë COVID-19.

Kurti tregon çka bisedoi me Macronin: Serbia duhet ta njohë Kosovën, pavarësia dhe sovraniteti nuk diskutohen

Përfundon takimi në Élysée, çka diskutuan Kurti e Macron

Pamje brenda Pallatit Élysée ku po zhvillohet takimi mes Kurtit dhe presidentit Macron

Zëvendëskryeministrja tregon detaje rreth të takimit në mes të Kurtit dhe Macronit