Kryesia e PD nis përgatitjet për zgjedhjen e kryetarit, Bardhi: Dikush po merr kompetencat e Sekretarit të Përgjithshëm

Shqiperi

Gazeta Express

12/06/2023 15:59

Kanë nisur lëvizjet për plotësimin e vakancave nëpër degë pas vendimit të Kryesisë së PD-së për të mbajtur në 29 korrik zgjedhjet për kryetarin e ri.

Sekretari i Përgjithshëm Gazment Bardhi, tha se një grup ka vendosur të marrë kompetencat e tij.

“Unë nuk di pse është zëvendësuar njëri apo tjetri, nuk kam firmosur asnjë vendim dhe nuk do firmos asnjë vendim që bie ndesh me statutin.

Unë nuk do të jap detaje të zbatimit të statutit. Nuk kam dijeni për një propozim të tillë. Organizimi i PD-së është përgjegjësi e sekretarit të përgjithshëm. Mesa duket një grup kanë vendosur të ushtrojnë kompetencat e sekretarit të Përgjithshëm. Unë do të zbatoj statutin e PD-së. Çdokush tjetër që ka vendosur të ecë përpara në procese anti statutore bën zgjedhjet e tij. Pa statut dhe pa rregulla nuk mund të ketë bashkëjetesë”, u shpreh Bardhi.

Ngërçi i parë për zgjedhjen e kryetarit qëndron në faktin se anëtarësinë me të drejtë vote për kryetarin e partisë e cakton një grup pune i ngritur nga kreu i degës. Ai argumenton se aktualisht në 71 degë që ka PD në mbarë vendin, vetëm 29 prej tyre kanë kryetar të zgjedhur, teksa të tjerat vetëm pika kontakti.

/Gazeta Express