Këpuca e Artë/ Kane i paarritshëm, Mbappe mbetet larg

Futboll

Gazeta Express

30/04/2024 16:00

Harry Kane duket të jetë i paarritshëm dhe favorit absolut për ta fituar Këpucën e Artë sivjet.

Sulmuesi anglez i ka realizuar 35 gola në Bundesligë dhe i ka grumbulluar plot 70 pikë në garën për golashënuesin më të mirë të vitit në Evropë, shkruan “Gazeta Express”.

Ylli i Bayern Munichut e ka lënë shumë prapa Kylian Mbappen, i cili i ka realizuar 26 gola dhe i ka grumbulluar 52 pikë, pak xhiro pa përfunduar sezoni në Ligue 1 dhe në ligat tjera evropiane.

Sulmuesi i Paris Saint-Germainit e sheh veten përpara shpërthimit të Stuttgartit, Serghou Guirassy.

Vendi i katërt është rezervuar për Lois Opendan e Leipzigut, ndërsa prapa tij gjenden yjet si Lautaro Martinez e Erling Haaland, që e kishte fituar këtë çmim prestigjioz individual në edicionin e kaluar, i cili ishte i jashtëzakonshëm për të. /Gazeta Express/

Renditja

Harry Kane (Bayern Munich) 70 pikë

Kylian Mbappé (Paris Saint-Germain) 52

Serhou Guirassy (Stuttgart) 50

Lois Openda (Leipzig) 48

Lautaro Martinez (Inter) 46

Erling Haaland (Manchester City) 42

Luuk de Jong (PSV) 40,5

Vangelis Pavlidis (AZ) 40,5

Cole Palmer (Chelsea) 40

Viktor Gyokeres (Sporting) 39