Kampionit i mungoi goli, e nis me barazim sezonin

Gazeta Express

20/09/2020 22:53

Vetëm një pikë në ndeshjen e parë, në xhiron e dytë në La Liga për Realin.

Real Madridi e ka nisur me barazim sezonin e ri në La Liga.

Los Blancos kanë barazuar 0-0 me Real Sociedadin, e vlefshme për xhiron e dytë në La Liga.

Reali i Zidane tentoi në të gjitha mënyrat, por nuk arriti ta dërgojë topin në rrjetë.

Zidane befasoi në fund të pjesës së dytë, duke inkuadruar në lojë lojtarë të akademisë, edhe pse ekipi i tij po i kërkonte tri pikët.

Ai la në stol emra si Marcelo e Jovic ani pse ishte në kërkim të fitores, për të futur në lojë të rinj si Marvin në minutën e 70′ dhe Arribas 90′, diçka që do t’ju shërbejë kritikëve.

Zizu kështu e nisi keq sezonin dhe javën tjetër, do të ketë një tjetër ndeshje të vështirë, në udhëtim kundër Real Betis. /Gazeta Express/