Irani ka mbyllur ngushticën e Hormuzit, frikë se kërcimi i çmimeve të naftës do të shkaktojë recesion global

Lajme

Gazeta Express

22/06/2025 21:30

Parlamenti i Iranit ka votuar për të mbyllur kanalin jetësor të transportit detar të Hormuzit në shenjë hakmarrjeje ndaj sulmit të Donald Trump ndaj vendit, duke shkaktuar frikën e një rritjeje të ndjeshme të çmimeve të naftës që mund të shkaktojë një recesion global.

Por vendimi i Trump për të ndjekur Izraelin duke nisur një sulm të SHBA-së ndaj Iranit ka shkaktuar një zinxhir ngjarjesh që analistët paralajmëruan se mund t’i rrisin çmimet shumë më tej kur tregjet të hapen në orën 23:00 sipas kohës së Mbretërisë së Bashkuar të dielën.

Një e pesta e konsumit botëror të naftës rrjedh përmes ngushticës së Hormuzit, e cila është një portë hyrëse nga Gjiri Persik.

Vota, e raportuar nga Reuters, nuk është detyruese sepse vendimi përfundimtar i takon këshillit suprem të sigurisë kombëtare të Iranit. Por analistët tashmë parashikonin një rritje deri në 5 dollarë para se rezultati i votimit të dihej.

Sekretari amerikan i Shtetit, Marco Rubio, u bëri thirrje të dielën autoriteteve kineze që të nxisin Iranin të mos mbyllë Ngushticën e Hormuzit, njërës prej rrugëve kryesore në botë për transportim të naftës.

Deklarata e Rubios në emisionin “Sunday Morning Futures with Maria Bartiromo” në Fox News erdhi pasi televizioni shtetëror iranian Press TV raportoi se Parlamenti i Iranit ka miratuar një masë për mbylljen e Ngushticës së Hormuzit, përmes së cilës kalon rreth 20% e furnizimit global me naftë dhe gaz.