Sot, në Peje iu dha lamtumira e fundit kitaristit të bendit Purgatory, Valton Berisha.
Valtoni ishte njeri që mblidhte rreth vetës njerëz të mirë e me vullnet të mirë, këtë e dëshmoi edhe sot, ku përveç anëtarëve të bendit të tij Enis Potoku, Driton Ajeti dhe Fatmir Gashi, Valtoni i bashkoi shumë shokë e miq edhe pse në pandemi.
Nga Zvicra kishin ardhur edhe shumë miq të tij dhe së bashku me familjarët vunë mbi varr një kurorë në formë kitare.
Tingujt e kitarës së tij do jehojnë përherë mes artdashësve dhe kudo që festohet me hare e gëzim, sepse e tillë ishte mënyra e të jetuarit të tij.
Valton Berisha ka ndërruar jetë dy javë më parë në SHBA, ndërsa sot është varrosur në vendlindjen e tij në Kliçinë.
Valton Berisha la pas vetes gruan dhe djalin e vajzën, të cilët sot i dhanë lamtumirën e fundit duke vënë lule e kurora mbi varrin e tij dhe në mënyrë simbolike lëshuan të lirë një pëllumb të bardhë.
Dashamirës të kuzhinës italiane në Prishtinë, përgatituni për të shijuar pasta, pica dhe sallata të shijshme, pasi Vapiano është...