Grenell: Progres i jashtëzakonshëm këtë javë në Prishtinë dhe Beograd

Gazeta Express

22/09/2020 17:15

Përfaqësuesi Special i Presidentit Trump, Richard Grenell, ka thënë se gjatë kësaj jave është bërë një progres i madh në Prishtinë dhe Beograd, raporton Gazeta Express.

Këto fjalë emisari amerikan i ka thënë pasi krerët e Odave Ekonomike të Kosovës dhe Serbisë janë pajtuar që të implementojnë zotimet e nënshkruara në Washington më 4 shtator.

“Liderët e Odave Ekonomike të Serbisë dhe Kosovës krah për krah, teksa zotohen se do të punojnë bashkë për implementimin e marrëveshjes historike të ndërmjetësuar nga Trump”, ka shkruar Grenell.

Ai thotë se vizita në Prishtinë dhe Beograd gjatë kësaj jave ka qenë tejet e frytshme.

“Progres i jashtëzakonshëm këtë javë në Prishtinë dhe Beograd”, ka përfunduar Grenell./Express/

The leaders of the Chambers of Commerce in Serbia and Kosovo embrace – and announce they will work together to implement the historic agreement brokered by @realDonaldTrump.

Amazing progress this week in Pristina and Belgrade! pic.twitter.com/DsEXXcLS6d

— Richard Grenell (@RichardGrenell) September 22, 2020