Ambasadori i Kosovës në Maqedoninë e Veriut, Gjergj Dedaj, akoma e mban fotografinë e ish-presidentit, Hashim Thaçit, në zyret e tij. Ani pse Thaç ka dhënë dorëheqje nga posti i presidenti dhe aktualisht detyrën e tij e ushtron Vjosa Osmani, Dedaj nuk e ka hequr fotografinë e tij nga muri.
Në zyrat e Ambasadës së Kosovës në Maqedoni, fotografia e Hashim Thaçit ende nuk është hequr nga muri, shkruan Express.
Adelina Qollaku sot përmes një postimi në Facebook, tregoi se ka vizituar ambasadën dhe ambasadorin Gjergj Dedaj.
Në fotografinë e publikuar, shihet fotografia e presidentit Thaçi e varur në murin e zyrave të ambasadës.
Presidenti Thaçi dha dorëheqje menjëherë pasi iu konfirmua aktakuza nga Gjykata Speciale. Pas dorëheqjes, Vjosa Osmani u emërua ushtruese e detyrës së postit të presidentit.
Sipas protokollit të shtetit, fotografia e presidentit duhet mbajtur në institucionet e Republikës së Kosovës./Express/
Një vizitë në Ambasadën e Republikës së Kosovës në Shkup. Ku shkelqësia e tij, Ambasadori fuqiplot, z.Gjergj Dedaj më…
Posted by Adelina F Qollaku on Tuesday, November 24, 2020
Thellë nga natyra e paprekur, në zemër të Bjeshkëve të Istogut, nga mali madhështor i Moknës, shtrihet një perlë...