Georgina Rodriguez spikat me elegancë artistike në Met Gala 2026

Yjet

Gazeta Express

05/05/2026 19:08

Georgina Rodriguez tërhoqi vëmendjen në Met Gala 2026 me një paraqitje elegante dhe të kuruar në detaj, duke u shfaqur me një fustan në nuanca akuamarin/jeshile të kombinuar me një vello të gjatë.

Zgjedhja e saj u interpretua si një reflektim i kodit të mbrëmjes “Fashion is Art”.

Kjo ishte pjesëmarrja e dytë e modeles në eventin më prestigjioz të modës në Nju Jork. Një vit më parë, ajo debutoi me një krijim nga Vetements, me një stil më minimalist, ndërsa këtë herë u paraqit më e guximshme me një dizajn të Ludovic de Saint Sernin.

Fustani i saj për këtë edicion u karakterizua nga detaje të rafinuara, përfshirë vello prej rrjete, motive trëndafilash të qëndisura dhe një bisht të gjatë. Pamja u kompletua me aksesorë rreth krahut dhe flokë të stiluar në onde të buta, duke krijuar një siluetë harmonike dhe moderne.

Një natë para eventit, Rodriguez u pa në një festë në Nju Jork të organizuar nga Jeff Bezos dhe Lauren Sanchez, ku zgjodhi një stil më të thjeshtë me fustan të zi dhe xhaketë sateni.

Prania e saj e vazhdueshme në evente të rëndësishme të modës dhe pjesëmarrja në javët ndërkombëtare të modës, si e ftuar e shtëpive të njohura si Gucci, Valentino dhe Coperni, konfirmojnë pozicionimin e saj gjithnjë e më të konsoliduar në industrinë e modës. /GazetaExpress/