Epiqendra në Elbasan, tërmeti u ndje edhe në Tiranë e Korçë! Reagimet e para

Shqiperi

Gazeta Express

09/02/2023 12:37

Lëkundje tërmeti janë shënuar mesditën e sotme në Shqipëri.

Tërmeti ka qenë me magnitudë 4.1 i shkallës rihter, dhe me epiqendër në qytetin e Elbasanit.

Gjithashtu lëkundjet janë ndjerë edhe në Tiranë dhe Korçë. Sipas qytetarëve lëkundjet nuk ishin të fora në Tiranë, megjithatë për shkak të situatës së krijuar në Turqi nga tërmeti tragjik ata ndihen të shqetësuar.

Ndërkohë kujtojmë që disa ditë më parë vendi jonë u godit nga një tërmet tjetër me epiqendër në qytetin e Klosit i cili solli dëme të konsiderueshme materiale.

/Gazeta Express