Emrat/ Konflikti i çastit, një nga të plagosurit në gjendje të rëndë pas plumbit në gjoks

Shqiperi

Gazeta Express

24/07/2021 21:18

Mësohet se dy personat që janë plagosur me armë zjarri mbrëmjen e sotme në Tiranë janë Altin Gjoka 32 vjeç, i cili ka marrë një plumb në shpatull dhe Jetmir Marashi 28 vjeç, që është qëlluar në gjoks.

Dy të rinjtë janë transportuar në spital, ndërsa Marashi është në gjendje të rëndë për jetën.

Nga të dhënat e para mësohet se autori është identifikuar dhe është shpallur në kërkim, ndërsa policia ka rrethuar zonën ku ndodhi ngjarja në një lokal në rrugën “Todi Shkurti”, pranë Qytetit Studenti.