E ardhmja e Vinicius Jr te Real Madrid mbetet e pasigurt

Futboll

Gazeta Express

18/01/2026 12:50

Largimi i Xabi Alonso nga posti i trajnerit ka hapur shpresë për rinovimin e kontratës së Vinicius Jr, pasi drejtuesit e klubit e shohin brazilianin si pjesë kyçe të së ardhmes.

Megjithatë, sipas MARCA, situata mbetet e pasigurt për shkak të diferencës mes kërkesave të lojtarit dhe ofertës së klubit, tensioneve me tifozët që e kanë sharë në disa ndeshje dhe performancës jo të mirë të fundit.

Vinicius ka mbështetjen e klubit dhe trajnerit të ri Alvaro Arbeloa, por rinovimi ende nuk duket i afërt. Vetëm paraqitjet e shkëlqyera në fushë mund të rikthejnë besimin e tifozëve dhe të ndikojnë në të ardhmen e tij te Bernabeu. /GazetaExpress