Dyshohet për sulm seksual ndaj një gruaje në Prishtinë, rasti denoncohet nga një burrë

Lajme

Gazeta Express

22/06/2026 10:08

Një rast i dyshuar për sulm seksual dhe asgjësim apo dëmtim të pasurisë së huaj është raportuar në Prishtinë.

Sipas raportit 24-orësh të Policisë së Kosovës, ankesa është paraqitur nga një burrë, i cili ka deklaruar se një i dyshuar, gjithashtu mashkull kosovar, dyshohet se ka kryer veprat e lartcekura ndaj një gruaje.

Policia ka bërë të ditur se pas pranimit të informacionit, njësitë relevante kanë dalë në vendin e ngjarjes për të ndërmarrë veprimet e nevojshme hetimore.

“Njësitë relevante policore kanë dalë në vendin e ngjarjes, ku është njoftuar edhe prokurori kujdestar”, thuhet në raportin e Policisë së Kosovës.

Rasti është duke u trajtuar nga organet kompetente, ndërsa hetimet lidhur me rrethanat e ngjarjes janë në vazhdim.