Dy numra 10 legjendarë, Messi ia dhuron fanellën e tij Baggios, pas ndeshjes me Zvicrën

Futboll

Gazeta Express

12/07/2026 18:41

Madhështia njeh madhështinë. Lionel Messi u fotografua së bashku me legjendën italiane Roberto Baggio dhe i dhuroi fanellën që kishte veshur në ndeshjen kundër Zvicrës, menjëherë pas fitores së Argjentinës në çerekfinalen e Kupës së Botës 2026 në orët e para të së dielës.

Baggio ishte i pranishëm në Kansas City, ku Argjentina mposhti Zvicrën me rezultatin 3-1 pas vazhdimeve, duke siguruar kualifikimin në gjysmëfinalen e Kupës së Botës për herë të tretë në katër edicionet e fundit.

Legjenda italiane u fotografua përkrah fituesit të tetëfishtë të Topit të Artë, Lionel Messi, i konsideruar gjerësisht si futbollisti më i madh i të gjitha kohërave. Pas përfundimit të ndeshjes, kapiteni argjentinas i dhuroi Baggios fanellën me të cilën kishte luajtur.

“Faleminderit, Leo, për dhuratën tënde të çmuar dhe për përzemërsinë tënde. Të dua shumë, miku im”, shkroi Baggio, i buzëqeshur, në një fotografi të publikuar në profilin e tij në Instagram./GazetaExpress/