Disa qytete në Angli pa diell në asnjë minutë në 10 ditët e para të nëntorit

Mistere

Gazeta Express

12/11/2024 20:15

Muaji i fundit në Britani është karakterizuar nga një valë e pazakontë e quajtur “trishtimit anticiklonik,” që ka bërë që në disa zona dielli të jetë plotësisht i fshehur. Ekspertët nga Met Office (Zyra për motin në angli) kanë zbuluar se disa qytete në Angli nuk kanë parë asnjë minutë diell në 10 ditët e para të nëntorit.

Odiham në Hampshire, Saint Helier në Jersey dhe Ronaldsway në Isle of Man nuk kanë parë diell fare, ndërsa Rostherne në Cheshire ka pasur vetëm 24 minuta diell. Në mënyrë të papritur, Skocia, e njohur zakonisht për kushtet e saj meteorologjike me mjegull, ka përjetuar mot të kthjellët, më shumë se çdo vend tjetër në Mbretërinë e Bashkuar. Për shembull, Kinloss në Moray ka pasur 35 orë diell në 10 ditët e para të nëntorit dhe temperatura maksimale ka arritur deri në 17.8 gradë Celsius, të mërkurën e kaluar.

Në përgjithësi, Anglia pati vetëm 2.2 orë diell në 10 ditët e para të nëntorit, ndërsa Mbretëria e Bashkuar në tërësi qëndroi pak më mirë me 5.3 orë. Ndërkohë, Uellsi pati 2.1 orë, Irlanda Veriore 4.3 orë dhe Skocia 11.7 orë, sipas Met Office.

Kushtet “depresive” janë shkaktuar nga trishtimi anticiklonik, një fenomen i motit që karakterizohet nga qielli gri, mjegulla dhe retë e ulëta. Kjo do të thotë që qielli ka një ngjyrë uniformisht të zymtë – me diellin plotësisht të fshehur dhe vetëm një ndriçim të kufizuar gjatë ditës.

Retë e ulëta ose mjegulla mund të bllokohen kur një zonë e freskët me presion të lartë lëviz mbi tokë të lagësht. Lagështia më pas avullon, duke sjellë mjegull gjatë ditës dhe re të ulëta – një efekt që shkrimtari i udhëtimeve Bill Bryson e përshkroi si “të jetosh brenda një Tupperware (kutie ushqimi)”.

Ndërsa një situatë e tillë gjatë muajve të verës shpesh çon në ditë të ngrohta dhe me diell e me erë të lehtë, në vjeshtë dhe dimër mund të rezultojë në “trishtim anticiklonik.” Në një postim në X (Twitter) javën e kaluar, Met Office përshkroi këtë ngjarje të motit të mjerueshëm, të cilën britanikët e kanë quajtur “kaq depresive” dhe “e tmerrshme.” “Shprehja e motit të kësaj jave [është] – mund të quhet ‘trishtimi anticiklonik’”, kanë shkruar në X Met Office.

“Kjo mund të ndodhë kur presioni i lartë bllokon një shtresë lagështie afër sipërfaqes së Tokës.

“[Ajo] sjell një periudhë të zgjatur të motit të zymtë dhe me re, me mjegull dhe dendurinë gjithashtu të mundshme. Si do ta përshkruanit motin e sotëm?” Një përdorues u përgjigj: “Dua të them se mungesa e erës dhe shiut është e shkëlqyer, por qielli i rëndë dhe i zymtë, o Zot sa depresiv.”

“Ka qenë njësoj për një javë të plotë dhe parashikimi juaj është i njëjtë për të gjithë javën e ardhshme gjithashtu. Thjesht tmerr, gati klaustrofobik.”

“E ndjeva atë klaustrofobi për disa ditë. Nuk e kisha kuptuar që mosshikimi i qiellit për kaq gjatë do të kishte një efekt të tillë”, tha një komentues tjetër

“Ne kemi një verë me pak ose aspak mot anticiklonik dhe, kur e kemi, ndodh në nëntor dhe është tejet depresiv”, shtoi një tjetër.

 “Çfarë ka ndodhur me ato ditë të freskëta dhe të kthjellëta të vjeshtës?”, pyeti një komentues tjetër.

Trishtimi anticiklonik, i njohur gjithashtu nga meteorologët si një “presion i lartë i ndotur,” zakonisht largohet pas një jave, duke e bërë këtë periudhë të fundit të zgjatur të pazakontë “por jo të paprecedentë.” Kjo do të thotë se Mbretëria e Bashkuar ka pasur deri tani vetëm pesë për qind të mesatares së orëve me diell për muajin nëntor, krahasuar me 23 për qind që pritet zakonisht në këtë fazë të muajit.

Prezantuesja e motit në ITV, Becky Mantin, tha se moti i qëndrueshëm i fillimit të nëntorit po “krijon një mungesë të pabesueshme të diellit.” “Për disa, nuk ka pasur fare lehtësim – Odiham në Hampshire ka regjistruar zero minuta diell deri tani këtë nëntor”, tha ajo.

Uellsi zë vendin e dytë të padëshiruar me një mesatare prej vetëm 12 minutash, 48 minuta të regjistruara në Irlandën e Veriut dhe vetëm pak më shumë në Anglinë jugore me 54 minuta.”

Sipas një zëdhënësi të Met Office, trishtimi po largohet këtë javë dhe moti po “duket shumë më i ndritshëm.” “Do të ketë ende ditë me re dhe mund të shohim përsëri periudha të përgjithshme të motit të zymtë,” tha zëdhënësi i Met për MailOnline. “Por nuk pritet të jetë aq i zymtë sa ka qenë javën e kaluar.”

Në parashikimin e Met Office për periudhën 11 deri 20 nëntor, parashikuesi i motit Alex Deakin tha se do të ketë “një sasi të madhe të motit të thatë dhe të qëndrueshëm” në fillim të kësaj jave. “Megjithatë, pas një fillimi të kthjellët, kushtet gjithnjë e më të mbuluara me re ka gjasa të zhvillohen deri në mes të javës, me mundësi për riga herë pas here. Mjegulla gjithashtu është e mundshme, të cilat do të jenë të ngadalta për t’u larguar,” tha Deakin.

Më vonë gjatë javës, do të bëhet “më e paqëndrueshme” me shi ose reshje shiu, veçanërisht drejt lindjes. “Pas një periudhe të shkurtër të thatë [këtë fundjavë], ka mundësi që javën tjetër të bëhet kryesisht e paqëndrueshme,” shtoi parashikuesi.

Temperaturat do të jenë fillimisht afër ose pak mbi mesataren, por më vonë pritet të bien pak nën mesataren. Britanikët gjithashtu mund të kenë vënë re temperatura veçanërisht të freskëta në fillim të kësaj jave, disi më të ulëta se nëntoret e viteve të kaluara. Sipas Met Office, temperaturat arritën deri në 0.3°C të hënën dhe do të jenë edhe më të ftohta në veri deri në fundjavë dhe fillimin e javës tjetër.

Ata thanë se ka “mundësi për ngrica dhe akull” në disa zona dhe madje mundësi për dëborë në veri të Mbretërisë së Bashkuar. /Daily Mail/GazetaExpress/