Derbi shqiptar mes Malishevës e Vllaznisë në Evropë, Ballkani luan ndaj kundërshtarit nga Uellsi

Futboll

Gazeta Express

16/06/2026 18:20

Nënkampionia e Superligës së Kosovës, Malisheva, do të ketë përballë Vllazninë e Shkodrës, në raundin e parë kualifikues të Ligës së Konferencës.

Ndërkohë, Ballkani i Therandës kundër skuadrës nga Uellsi, Connah’s Quay Nomads.

Shorti u tërhoq këtë të martë në Nyon të Zvicrës, ndërsa ndeshjet e raundit të parë do të luhen më 9 korrik.

Ndeshjet e kthimit do të luhen më 16 korrik, shkruan “Gazeta Express”.

Ndeshjet e para, Malisheva dhe Ballkani do t’i zhvillojnë në udhëtim, përkatëisht në Uells e Shqipëri.

Fituesi i Kupës së Kosovës, Dukagjini do ta nis rrugëtimin e tij në Evropë nga raundi i dytë kualifikues në Ligën e Konferencës.

Kundërshtarin do ta mësojë këtë të mërkurë.

Ndërkohë, Elbasani do të përballet me Bate Borisovin e Bjellorusisë.

Shkëndija e Tetovës, që përfundoi e dyta në Maqedoninë e Veriut, për kundërshtar do ta ketë Europan e Gjibraltarit.

Deçiqi, klubi shqiptar i Malit të Zi, do të përballet me Liepajan e Letonisë./GazetaExpress/