Presidenti i UFC-së, Dana White, ka konfirmuar në një konferencë për shtyp se kampioni i botës në peshën e lehtë në artet marciale mikse, rusi Khabib Nurmagomedov, mund të rikthehet në kafaz në vjeshtën e këtij viti.
Khabib u tërhoq nga eventi UFC-240 për shkak të coronavirus, ndërkohë që është në vendlindjen e tij dhe në pamundësi për të udhëtuar.
“Mendoj se Khabib do të rikthehet në kafaz në shtator, ose maksimumi në tetor të këtij viti. Nuk ka një datë të saktë apo një rival se ndaj kujt do të duelojë. Të shohim”, tha Dana White për ESPN.
Vendin e Khabin në eventin UFC-249, që u shty dhe do të zhvillohet më 9 maj, e ka zënë Justin Gaethje. Ky i fundit do të duelojë ndaj Tony Ferguson, për titullin e përkohshëm në peshën e lehtë. /Telesport/