Ende nuk ka data apo vend se ku do të zhvillohet ky event
Fituesi i Ligës së Kampionëve, Real Madrid është favorit për të fituar edhe dy trofe, të cilat mund t’i vendos në vitrinë këtë vit.
Bëhet fjalë për Super Kupën e Europës dhe Botërorin e Klubeve. Por përderisa të gjitha detalet për titullin kontinental janë finalizuar, ende ka mjegull për Botërorin e Klubeve për vitin 2022.
Mbajtja e Botërorit në Katar, i cili zhvillohet nga 21 nëntori deri më 18 dhjetor, nuk ka lënë shumë hapësira në kalendar për Botërorin e Klubeve, i cili më 2019, para se të ishte pandemi, mbahej në javën e dytë dhe të tretë të dhjetorit.
Kjo dritare në kalendar tani është e mbyllur për këtë garë, e cila organizohet nga FIFA.
Parashikohet që ai të mbahet në shkurt të vitit 2023 dhe në ditët e para të marsit 2023.
Por në këto dy muaj është rrethi i 1/8-ës së finales së Ligës së Kampionëve që po ashtu ndikon në pjesëmarrjen e Madridit, nëse Los Blancos e kalojnë fazën e grupeve.
Deri me sot nuk ka ndonjë vend se ku do të mbahet kjo garë, e cila vitin e kaluar u luajt në Emiratet e Bashkuara Arabe.
Përfaqësuesi i UEFA-së, Chelsea, e fitoi titullin vitin e kaluar ku mposhti Palmeiras nga Brazili në finale.
Mungesa e një vendi po ashtu ndikon në listën e pjesëmarrësve, oasi që FIFA rezervon vende vetëm për kampionin e vendit mikpritës. Për momentin, vetëm tre klube e kanë të garantuar pjesëmarrjen në këtë garë: Real Madrid, Seattle Sounders dhe Wydad Casablanca.
Kampioni i Copa Libertadores, kampioni i Ligës së Kampionëve të Azisë dhe të Oqeanisë ende nuk janë përcaktuar. /GazetaExpress/