Bilanci i COVID-19 në Kosovë: Mbi 13 mijë persona janë shëruar, ndërsa 1.457 raste janë aktive

Gazeta Express

30/09/2020 7:54

Instituti Kombëtar i Shëndetit Publik ka bërë të ditur se numri total i rasteve pozitive është 15.574 raste nga 67.294 persona të dyshimtë në virusin SARS-CoV-2 dhe 625 raste të vdekjes.

IKSHPK-ja njofton se numri i përgjithshëm i të shëruarve deri më sot është gjithsej 13.492 raste, kurse numri i rasteve aktive është 1.457.

Ndryshe, mikrobiologu Lul Raka një ditë më parë ka thënë se fillimi i vitit të ri shkollor, hapja e kafeneve dhe gripi sezonal mund të jenë kërcënues për përhapje të koronavirusit.

Raka tutje ka thënë se ulja e rasteve me COVID-19, nuk guxon të përdoret nga qytetarët si lirim.

Mes tjerash ai ka thënë se Kosova nuk ka kapacitete të mjaftueshme. Ai ka thënë se duhet të furnizohen me teste shtesë, me oksigjen si dhe me staf shëndetësor.

Ai ka bërë me dije që nga fillimi i muajit të ardhshëm do të ketë staf të ri shëndetësor që do të kyçen në luftën me pandeminë.